Համայնքի իրավիճակի նկարագրություն

Բերդկունք գյուղը գտնվում է ՀՀ Գեղարքունիքի մարզում՝ Սևանա լճի հյուսիս-արևմտյան ափին, ծովի մակարդակից 1930-2010 մ բարձրության վրա:

Տրանսպորտային կապը բնակավայրերի հետ իրականացնում է Մ-10 Սևան-Գավառ մայրուղու միջոցով: Համայնքի վարչական սահմաններում ընդգրկված տարածքը՝ 841,92 հա: Գյուղի հեռավորությունը մարզկենտրոնից կազմում է 10 կմ, իսկ մայրաքաղաքից 90 կմ: Գյուղը հյուսիսային կողմից հարևան է Լճափ համայնքին, իսկ հարավային կողմից՝ Հայրավանքին:

Գյուղի հյուսիս-արևելյան մասում է գտնվում «Սպիտակ Բերդ» ամրոցը /մ.թ.ա. 2-րդ-1-ին հազարամյակ/, գյուղի տարածքում կա 11-12 դդ. եկեղեցի՝ շուրջը գերեզմանոց /12-20 դդ/, տապանաքարեր /16-17 դդ/:

Բերդկունք (նախկինում Աղկալա) հիմնականում բնակվել են ադրբեջանցիներ:  1920 թ. սկսած գյուղը բնակեցվել է Գավառի տարածքի Նորատուս և Գանձակ գյուղի բնակիչներով:

Գյուղի բնակչությունը այսօրվա դրությամբ կազմում է 296 մարդ:

Համայնքի վարչական տարածքի, առկա և մշտական բնակչության, տնային տնտեսությունների ցուցանիշները (01.01.2016 թ. դրությամբ)

Համայնքի բնակչության 55.4 %-ը կազմում են տղամարդիկ և 44.6 %-ը կանայք:

Համայնքի բնակչության տարիքային և սոցիալական կազմի

ցուցանիշները  (01.01.2016 թ. դրությամբ)

ՀԱՄԱՅՆՔԻ ՍՈՑԻԱԼ-ՏՆՏԵՍԱԿԱՆ ԻՐԱՎԻՃԱԿԸ

Բերդկունք գյուղական համայնքի բյուջեն հիմնականում գոյանում է սեփական եկամուտներից:

Համայնքի գյուղացիական տնտեսությունները հիմնականում զբաղվում են հողագործությամբ և անասնապահությամբ:

Համայնքը  ոռոգման ջրամբար և ջուր չունենալու պատճառով դժվարանում է կազմակերպել գյուղմթերքների արտադրությունը: Հիմնականում զբաղվում են ցորենի, գարու, կորնգանի, կարտոֆիլի և այլ բանջարանաբոստանային կուլտուրաների արտադրությամբ: Երաշտի տարիների գյուղացին կորցնում է բերքի 45-50 %ը:

Համայնքում առկա անասնագլխաքանակի տվյալները (01.01.2016 թ. դրությամբ)

Համայնքում չկան գործող ոչ կառավարական կազմակերպություններ (ՀԿ-ներ, հիմնադրամներ և այլն): Գյուղը չունի միջնակարգ դպրոց, սակայն գյուղի 49 դպրոցական երեխա սովորում է հարևան Հայրավանք համայնքում, որը Բերդկունք համայնքից հեռու է 3 կմ: